今日下午食完牛肉麵，就帶左芊嶠去又一城朝聖。有閃電王麥坤、新手教練小薑及新世代智能車手積迅黑旋風1：1原大造型，當然唔少得同佢地影相留念啦。芊嶠雖然係女仔，但佢都真係好中意車🙈🙈另外同層有迪士尼 · 彼思期間限定店，發售逾四百款《反斗車王3》及三百多款其他迪士尼．彼思產品，雖然芊嶠樣樣都話想要，但最後嶠媽都係忍手冇買到🤣🤣
之後再去左G層既互動遊戲專區同拍照專區，試玩最新PlayStation 4《反斗車王3》電玩遊戲、於Asia Goal賽車賽道試玩《反斗車王3》的遙控車，芊嶠拎住左個遙控就唔想放低，但又唔識玩🙈🙈之後有個哥哥行埋黎想玩，我就叫芊嶠比個遙控哥哥，佢雖然比左，但之後就大喊😓😓另外，梗係要同「破牆而出」既校巴姐拍照留念啦！
之後再去左UG層既 MATTEL 限定店及遊戲專區，個到發售多款《反斗車王3》最新模型車及玩具。遊戲專區仲展示左最新既電影場景賽車賽道，比小朋友可以到場體驗賽車樂趣！只要購買 MATTEL 產品，即可參加遊戲區係假日先舉行既小遊戲。買滿$100，仲可以挑戰夾車仔，有機會贏到豐富既《反斗車王》禮品！
最後，去埋L2既DIY互動專區，自製個人專屬的《反斗車王3》姓名貼紙、貼紙相及銅幣，各樣收費是$40，可以係接待位唱$5硬幣。
由於今日玩左一日太累，我地好快玩完各樣活動，就搭巴士返屋企，返屋企途中芊嶠仲係禁話仲想繼續玩，但轉頭已經訓著左🙈🙈
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
迪士尼 · 彼思《反斗車王3》賽車狂熱
日期：2017年7月1日至31日
地點：Festival Walk 又一城
**《反斗車王3》Instagram 相片打印專區只在星期六、日，下午1時至6時進行
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
#反斗車王3 #又一城 #FestivalWalk #華特迪士尼公司 #迪士尼彼思 #芊嶠愛車車 #芊嶠family
Search